العاب - اغانى - برامج - صور- افلام - اسلاميات



    Momez178 جميع العاب الاتارى بتاع زمان هديتى فى رمضان

    شاطر

    محمد عامر
    مدير الاقسام
    مدير الاقسام

    ذكر
    القوس
    الأبراج الصينية : الثور
    عدد المساهمات : 102
    نقاط : 306
    السٌّمعَة : 0
    تاريخ الميلاد : 01/12/1985
    تاريخ التسجيل : 14/09/2009
    العمر : 31
    الموقع : مصر

    Momez178 جميع العاب الاتارى بتاع زمان هديتى فى رمضان

    مُساهمة من طرف محمد عامر في الخميس أكتوبر 22, 2009 3:33 am



    بسم الله الرحمن الرحيم
    قبل كل شىء ارجو تثبيت هذا الموضوع لان العاب الاتارى لاتوجد فى اى قسم
    ومهما جار عليها الزمن الى انها تبقى العاب فيديو ايضا ومازالت
    مطلوبه(ارجو منكم التثبيت)

    فاكرين ياجماعه ايام زمااااااااااااان من حوالى 15 سنه كدة او اقل لماكنا
    بنطحن بعض قدام الاتارى ابو دراع اللى كان دايما بيتكسر وزرار احمر انتوا
    نسيتوا؟؟ الاتارى ابو شرايط الشرايط ياجدعان!!!!!!


    اللى كان الجيم فيه بشلن وغلي ولما الراجل صاحب الاتارى حس اننا حريفه
    والجيم ابو شلن بيقعد بالنص ساعه وخلى الحساب بالوقت بعد كدة انتوا
    نسيتوا؟؟؟؟؟؟؟

    طيب فاكرين طيران النجمه اللى كانت صعبه علشان الدبابيس السريعه (زى
    الصورايخ فى الطيران العاديه) وكل مانضرب النجمه نزيد 500 والالوان تتغير
    سيبوكم من دى فاكرين لعبه الطيران العاديه كنا بنزيد محاوله كل 10.000
    والبنزين اللى كان بيخلص اسرع كل مانجيب سكور اعلى وكنا بنطييييييير علشان
    نلحق نمون قبل مالطيارة تفرقع لوحدها وبيت النمل وبيت النحل والماسورة
    الصغيرة والماسورة الكبيرة الماسورة ياجدعان!!


    سيبوكم من دة كله فاكرين لعبه عسكر وحرامى اللى كان فيها الاسانسير؟؟
    والعسكرى اللى بيجرى طول اللعبه وبيضرب نار على الفاضى وبينط من العربيات
    علشان الوقت هينقص وبيوطى من الطيارة لانه هيموت لو لمسها وكان بيلم الشنط
    والزكايب اللى الحرامى بيسيبها وراة وساعات بيلحقه على السطح
    الى ان يمسك الحرامى من قفاة الحرامى ياجدعان!!!!!!!!

    فاكرين لعبه المراكب (حبيبه قلبى اللعبه دى)والواد اللى كان بيتنطط بينها
    علشان يبنى البيت وكنا بندوس على الزرار الاحمر علشان نعكس اتجاة المراكب
    بس كان البيت بيتهد وكان الواد بيموت لو لمس الحمامه او الكابوريا وبيزيد
    نقط لو كل السمك وبيزيد محاوله كل 5000 والجيم بتاعها ابو شلن كان كله
    بركه وكان فيه فيل ابيض وفيل اسود اللى كان بيشخط فى الولد وبيطردة برة لو
    مسكه نسيتوا الفيل الفيل ياجدعان!!!!!

    فاكرين لعبه الكورة بتاعت الاتارى اللى كان الفريق 3 بس عاملين زى قوالب
    الطوب بيتحركوا مع بعض فى الدفاع او الهجوم وكانت لذيذة جدا وبسيطه خالص
    كله بيجرى ورا الكورة المستطيله وخلاص !!احسن من اجدعها فيفا 2007 كانت
    كورة بجد


    فاكرين السباقات الجامدة اجدعها من اجدد نيد فور سبيد سبق العربيات ابو 4
    كبارى والسبق التانى ابو عداد وناخد التحيه من الاعلام بعد السبق وسبق
    الموتسيكلات اللى كنا بنلم فيه الاعلام الاعلام ياجدعان




    والبسكوته اللى كان بتنضف سنانه كل شويه بالفرشه او التانى اللى كان بيتنطط على العصايه مع صاحبه وبيقع على دماغه ورجليه لفوق



    فين ايام الملاكمه كان فيها اللى بيتزنق فى الحيطه بيتطحن


    والعاب تانيه كتييييييييييييييييير الغواصات والدبابات اللى كنا بنضور
    فيها على المفتاح والفراشه والعنكبوت والمطافى اللى كانت النار بتنطفى
    لوحدها بعد ماتسيبها والتنس والمسدسات وصيد السمك اللى كان الحوت الرخم
    بياكلهم

    ===========================
    بالسهوله دى نسيتوا العاب الاتارى مع اننا كنا بنجرى عليها وبنهرب من سلاح
    التلميذ وكراسه الاول علشان نلعبها طول اليوم ياخسارة شكلكم نسيتوة
    ===========================
    لتحميل كل هذة الالعاب بجميع نسخها والمزيد تفضلوا الرابط وبالداخل طريقه التصطيب واسماء اهم الالعاب فى فولدر خاص فيه الصور
    http://d.turboupload.com/de/1284737/s0yqxmk075.html

    رابط اخر لمن طلب رابط بديل
    http://www.megaupload.com/?d=YNGSR8YP

    رابط ثالث على Z share
    http://www.zshare.net/download/3676564b184e07/

    المساحه 10.8 ميجا (بعد التنزيل ابقى فك الضغط ونفذ التعليمات )
    ===========================
    اى خدمه يا هيثم باشا
    وامانه عليكم بعد كل هذا المجهود لا تنسوا الردود







      الوقت/التاريخ الآن هو الجمعة يناير 20, 2017 4:01 am